بسم الله الرحمن الرحيم
. استرها يارب في المادة دي .
يارب يارب يارب
___________
نعرف الأول السياسات الملائمة للتكيف ونقول إنها :
مجموعة السياسات الاقتصادية الملائمة لتكيف ميزان المدفوعات وتهدف إلي إعانة السلطات الاقتصادية ع السيطرة ع ظاهرة الاختلال في ميزان المدفوعات كخطوة أولي والقضاء عليها في فترة زمنية قصيرة .
اسمعها عشان ارتاح : هي مجموعة السياسات الاقتصادية الملائمة لتكيف ميزان المدفوعات والتي تهدف إلي إعانة السلطات الاقتصادية في الدولة للسيطرة ع الاختلال في ميزان المدفوعات كخطوة أولي والقضاء عليها في فترة زمنية قصيرة .
هما بقي 3 مناهج : المرونة - الاستيعاب - النقدي
* ناخد منهج المرونات : بيركز ع سياسة سعر الصرف لإصلاح الخلل.
والمنهج ده بقي بيوضح ازاي الدولة بتتبع سياسة سعر الصرف علشان تحدث التكيف
وده في ضوء شرط مارشال-ليرنر
وهو الشرط ال>ي يحدث الكيفية التي يتحسن بها ميزان المدفوعات أثر انتهاج سياسة معينة لسعر الصرف في حالة العجز أو الفائض
تاني . . هوه الشرط اللي بيحدث لكيفية التي يتحسن بها ميزان المدفوعات أثر انتهاج سياسة معينة لسعر الصرف في حالات العجز أو الفائض
وفي حالات الفائض . . الدولة بترفع سعر العملة
وفي العجز . . بتخفض سعر العملة
وعشان تنجح السياسة دي . . لازم مجموع مرونة الطلب ع الصادارات ع1 , مرونة الطلب ع الواردات ع2 أكبر من الواحد الصحيح
يعني من الآخر . . شرط مارشال - ليرنر هو ع1 + ع2 أكبر من 1
يعني مثلا في حالة العجز . . قيمة العملة هتنخفض عندنا في مصر . . نلاقي الطلب الأجنبي ع السلع عندنا كبير
يعني تنخفض العملة ( رفع سعر الصرف ) يزود الصادرات ويقلل الواردات
* ندخل بقي في منهج الاستيعاب :
ده بيركز ع السياسة المالية كوسيلة لتصحيح الخلل
وهنلاقي بقي إن منهج المرونة والاستيعاب هما الاتنين بيتفقوا ع إنهم بيركزوا ع رصيد الميزان التجاري باعتباره إنه حجر الزاوية في التصدي للخلل
ونقول إن منهج الاستيعاب بيشير إلي أن العجز أو الفائض في الميزان التجاري بيرجع لاختلاف الدخل القومي والاستيعاب الكلي
معادلة الدخل القومي = الاستهلاك + الاستثمار + الانفاق الحكومي + صافي الصادرات
يعني ي = ك + ث + ن + ( ص - ر )
وهنا هنفرق بقي بين الاستيعاب المحلي والاستيعاب الكلي
الاستيعاب المحلي ( ح م ) = الاستهلاك المحلي + الاستثمار المحلي + الانفاق الحكومي المحلي
والاستيعاب الكلي ( ح ) = الاستهلاك المحلي + الاستثمار المحلي + الانفاق الحكومي المحلي + الواردات
يعني = الاستيعاب المحلي + الواردات
ولو بصينا لمعادلة الدخل . . هنلاقي إن الدخل القومي = الاستيعاب المحلي + الصادرات
أي أن : ي = ح م + ص
والاستيعاب الكلي = الاستيعاب المحلي + الواردات
أي أن : ح = ح م + ر
يعني ح م = ح - ر
يعني في الآخر هنلاقي : ي = ( ح - ر ) + ص
ونودي ح في اليمين بالسالب .. يعني ي - ح = ص - ر
وبم أن ص - ر . . ده رصيد الميزان التجاري ت
يبقي ت = ي - ح
يعني بالعربي بقي : رصيد الميزان التجاري = الدخل - الاستيعاب الكلي
هنيجي بقي لو لقينا ي > ح . . يبقي فيه فائض
ولو ي < ح . . يبقي فيه عجز
ولو ي = ح . . يبقي أكيد توازن
نيجي بقي لو لقينا عجز في الميزان التجاري . . يبقي بيرجع للاختلال بين الدخل القومي والاستيعاب الكلي
هنا بقي دور السياسة المالية إنها ترفع الدخل القومي أو تخفض مكونات الاستيعاب الكلي
وفي الحالتين الفيصل بيتمثل في قدرة الدولة ع إتباع سياسات تغيير الإنفاق
* ونلتقي بالمنهج النقدي :
وده بيركز ع السياسة النقدية . . يعني بيعالج مشكلة التكيف في الميزان بإنه بيبرز دور السياسة النقدية
والمنهج النقدي بقي بيتميز بعدة خصائص وهي :
1/ إنه بيعتبر ميزان المدفوعات في المقام الأول ظاهرة نقدية وليست حقيقية.
2/ بنبص ع المنهج النقدي في ميزان المدفوعات ع إنه نمو>ج للتحليل الاقتصادي الكلي وده اللي بيركز ع الاحتياطات النقدية الأجنبية
يعني من الآخر مش بيأخ> غير بالتغييرات اللي بتحصل في رصيد ميزان المدفوعات بغض النظر بقي عن التغيرات اللي بتحصل في الميزان الجاري وميزان رأس المال.
- ومن خلال النظرة الكلية لميزان المدفوعات هنشوف الاختلافات الجوهرية بين المنهج النقدي من ناحية وبين منهج المرونات والاستيعاب من ناحية أخري .
# منهج المرونات : بيختصر مشكلة التكيف في توازن الميزان التجاري انطلاقا من فرض ثبات الأجور والأسعار
وبيقوم ع ظاهرة حقيقية وليست نقدية وده اللي بيخليه بيهمل كل من النقود والقروض وميزان رأس المال .
# منهج الاستيعاب : ده بقي أكثر تقدما من اللي فات عشان سلط الضوء ع جوانب التحليل الكلي لتكيف وتوازن ميزان المدفوعات
لكن أوجه النقص فيه بقي . . أنه ركز أوي ع نمو>ج الدخل - الانفاق الكينزي المبسط
يعني مخليه مركز ع الميزان التجاري برضه . . وإنه يهمل باقي مكونات ميزان المدفوعات .
3/ المنهج النقدي بقي . . بيشير ع إن الخلل اللي بيحصل في الميزان بيبقي ناتج عن عدم التوازن بين عرض النقود والطلب عليها داخل الاقتصاد الكلي .
# بيركز ع الآثار طويلة الأجل للتغيرات السياسية النقدية.
# بدأ في تعريف جديد لميزان المدفوعات في إطار وصفه كظاهرة نقدية
وإنه التغير ال>ي يحدث في صافي الاحتياطات التقدية الدولية ( صافي الأصول الأجنبية )
__________
نيجي لكيفية حدوث التكيف التلقائي في المنهج النقدي
* البنك المركزي لو زود عرض النقود أكتر من الطلب عليها وده في حالة إنه فيه فائض في ميزان المدفوعات . . الناس هتستورد سلع وخدمات من برة
لأن الأرصدة النقدية الفعلية اللي معاهم أكبر بكتير من اللي عايزين يحتفظوا بيها
فبكده هتزيد الواردات وهتقل الصادرات وهيحصل عجز في ميزان المدفوعات يعوض الفائض
وبرضه لو فيه عجز في الميزان . . البنك المركزي هيخفض عرض النقود . . فأسعار السلع والخدمات المحلية هتقل
والدول الأجنبية هتستورد مننا . . يعني هنزود الصادرات وهنقلل الواردات
وبكده يحصل فائض يعوض العجز
تم بحمد الله
